4 април, хотел Лимак, Скопје

Купи early-bird билет (29€)

Од 1 март, редовната цена на билетите ќе биде 59€.

ПОДДРЖАНО ОД

Присутни
0 +
Говорници
0
Дружба
0 ч
Кафиња
0 +

Ги послушавме коментарите од 2025 година – помалку говорници, повеќе време за запознавање и меѓусебни дискусии. 

Те очекуваме на 4 април!

Говорници

Поканивме говорници кои работеле во меѓународни ИТ компании, во агенции и како фриленсери, во големи и мали тимови, да ги споделат нивните практични совети кои ги научиле низ сопственото искуство.

Емилија Стојменовска

Senior Product Designer, InScale

Ана Георгиевска

Senior Frontend Engineer, Freelancer, ex-trivago

Сара Симоновска

Senior UX Researcher, AnswerLab (dedicated to Google/YouTube)

Марјан Николовски

CEO, Emit Knowledge

Лилјана Димовска

Product Manager, JWX

Димитар Маленков

Product Designer, iborn.net

Кристина Ивановска

Moderator

Распоред

Целосниот распоред ќе биде објавен насокоро!

Распоред

Детали +

  • Aгенда 2023


  • Агенда 2025


  • Агенда 2026


  • Многу од нас биле „фрлени“ во менаџерска улога и не сме знаеле од каде да почнеме. Спакувано во новата кованица „Design Ops“, ќе зборуваме за тоа што значи да се организира и води еден тим од дизајнери. Како да ги придобиете останатите учесници во процесите, кои се најчестите пречки и како да (се обидете да) ги надминете при секојдневната работа.
    Дизајн Опс
    Каде
    Амфитеатар

  • Практични совети како да помогнете на дизајнери со помало искуство од вас во нивното надградување и брзо усовршување во областа во која сте експерт.
    ⚡️ Блиц презентации
    Дизајн Опс

  • Замислете си дека работите на голем проект со дисперзиран тим. Дали корисничкото искуство мора да биде последица на однапред донесени инженерски одлуки? Што ако системите ги дизајнираме според корисничкото искуство што сакаме да го пренесат?
    ⚡️ Блиц презентации
    Инженерство
    Истражување

  • Да се работи како соло UX дизајнер во рамки на организација е предизвик и триумф само по себе. Во оваа сесија ќе разговараме за дел од стратегиите за справување/преживување на дневниот workload, како и, како да го зголемите вашето влијание во организацијата и да иницирате значајни промени во организациската структура. Како градењето врски, ефикасна комуникација и примена на докажани UX методи водат кон подобра cross-functional колаборација.
    Истражување
    Процеси

  • Оваа презентација има за цел да го открие потенцијалот во користењето на погледот на очите како примарен начин на интеракција со дигитални производи. Фокусирајќи се на можноста за зголемување на пристапноста за лицата со парализа и оние кои не можат да ги користат традиционалните методи на интеракција. Ќе дискутираме за предизвиците и можностите поврзани со користењето на оваа технологија и како прифаќањето на овој начин на интеракција може да го отвори патот за поинклузивен дигитален пејзаж, осигурувајќи дека секој, без оглед на физичките способности, може да се вклучи и да има корист од технологијата.
    ⚡️ Блиц презентации
    A11y
    Истражување
    Кориснички интерфејси

  • Ќе зборуваме сѐ околу кориснички интервјуа (user Interviews): што се, кога и како се спроведуваат и на крај ќе видиме зошто, според Јане, се најдобрата алатка во нашиот истражувачки арсенал.
    ⚡️ Блиц презентации
    Истражување

  • Реален пример за целосниот процес на преработка на постоечки дизајн систем на обемен продукт, со цел стандардизирање и подобрување на пристапноста на корисничкото искуство, притоа воведувајќи што е можно помалку визуелни промени за корисникот. Во оваа презентација ќе ги погледнеме сите етапи на креирање или подобрување на еден дизајн систем, најважни WCAG упатства, корисни совети околу градење на компоненти, како и користење на Figma варијабли како “single source of truth” на дизајн одлуки преведени во код и нивна целосна контрола преку Figma.
    A11y
    Дизајн системи
    Инженерство
    Кориснички интерфејси

  • Автоматизираните алатки за пристапност ни помагаат, но не ги откриваат сите детали од различни аспекти. Во оваа презентација ќе разгледаме некои од алатките за автоматско тестирање и како можеме да тестираме со програма за гласовно читање на екран. Ќе разгледаме кои препораки се битни да се вклучат уште во најраната фаза при имплементација, за да добиеме продукт кој достигнува најмалку АА стандард.
    A11y
    Инженерство
    Кориснички интерфејси

  • Наместо само да следиш упатства, почни да водиш преку моќта на прототипирање и структурирани презентации. Практични совети за стекнување почит и влијание со цел да станеш водечкиот глас во твојата организација.
    Кориснички интерфејси
    Процеси

  • Во ерата на глобалниот пазар, "Cross-border UX" често се користи како термин, што го става предизвикот како да дизајнираме за интернационални корисници и како да ја освоиме меѓународната публика. "Cross-border UX" е многу повеќе од просто преведување на друг јазик или ажурирање на UI компоненти. "Cross-border UX", или локализација на UX дизајнот, вклучува прилагодување на интернационални продукти за специфичен регион со цел да се креира релевантно и соодветно корисничко искуство. Станува збор за дизајнирање на мултикултурни продукти, притоа земајќи го во предвид меѓународниот аспект на UX од самото почеток на процесот на развој на продуктот. Она што им помага на најпопуларните апликации во светот како Facebook или Airbnb да останат популарни и профитабилни е што им обезбедуваат на корисниците чувство на удобност, познатост и лесно користење од било кој агол на светот. За тоа како да го постигнеме ова при изработка на слични апликации и веб страни, Александра ќе го сподели своето повеќегодишно искуство со cross-border UX design и ќе не запознае со најдобрите практики за локализација на UX дизајнот.
    ⚡️ Блиц презентации
    Истражување
    Процеси

  • Дизајнот повеќе не е само визуелен елемент – тој е клучен двигател на бизнис успехот. Компаниите што го интегрираат дизајнот во својата стратегија не само што создаваат подобро корисничко искуство, туку и поттикнуваат раст и градат долгорочна конкурентска предност. Ова предавање преку неколку ќе ви покаже како да го усогласите дизајнот со бизнис целите, да ја измерите неговата вредност и да изградите култура во која дизајнот води, а не само следи.
    Дизајн Опс
    Процеси
    Соработка

  • Ефективната соработка во тимовите е клучна за успехот на секоја организација. Ова кратко излагање ќе понуди практични насоки за подобрување на соработката и продуктивноста. Ќе разгледаме како отворената комуникација, јасно дефинираните улоги, довербата, заедничките цели и континуираниот развој придонесуваат кон подобро функционирање во секој тим.
    ⚡️ Блиц презентации
    Дизајн Опс
    Процеси
    Соработка

  • Во оваа презентација ќе се зборува за значењето на веб пристапноста (web accessibility) и како да се изврши ревизија на веќе изградена веб-апликација. Првиот дел ќе започне со кратко потсетување за основите на веб пристапноста, зошто е важна и како WCAG стандардите помагаат во градењето инклузивни дигитални искуства.

    Потоа, ќе се премине на процесот на извршување внатрешна ревизија, разгледувајќи чекор по чекор како да се анализира веб-апликација, кои алатки и методи да се користат и како да се идентификуваат најчестите проблеми.

    Во вториот дел од презентацијата, ќе се спроведе практична демонстрација, каде што во живо ќе се документираат грешки според WCAG стандардите, но и се дадат препораки за подобрување.

    Оваа сесија е наменета за дизајнери, инженери, и QA тестери кои сакаат да ја подобрат пристапноста на своите апликации и да осигураат усогласеност според WCAG.
    A11y

  • Целта на оваа презентација е да го продлабочи разбирањето на дизајн системите од инженерска перспектива. Дизајн системот е како жив организам - сите фази од визија до имплементација се динамични, па така и неговиот развој и одржување се константни. Преку примерот на дизајн системот на една од најголемите платформи за е-трговија во Германија, ќе се запознаеме со принципите, предизвиците и поуките при неговото развивање, кои би биле корисни како за дизајнерите, така и за софтвер инженерите.
    ⚡️ Блиц презентации
    Дизајн системи
    Инженерство

  • Како мала промена во процесот на компанијата придонесе кон голем ефект при синхронизиравње на одделите за UX и DEV во совршен ритам. Помалку хаос, повеќе акција. Целта беше јасна - помалку бесцелни состаноци, повеќе продуктивност. Со цврсто поставени основи, до беспрекорна усогласеност на дизајн и код. 70% поголема ефикасност и, најважно од сѐ – прецизна антиципација. 🚀
    ⚡️ Блиц презентации
    Дизајн системи
    Инженерство
    Соработка

  • Дизајнерот е добар колку прашањата кои ги поставува и одговара. Во ова предавање, Филип ќе ги сподели своите перспектива и искуства од долгогодишното трагање по одговори во мали софтер компании, стартапи, како фриленсер и во големи мултинационални компании. Ќе добиете нов поглед на дизајн процесот и нови алатки кои ќе можете да ги користите за да стигнете до подобар квалитет на вашите дизајни и до следниот чекор во вашата кариера.
    Истражување
    Кариерен развој
    Процеси

  • Во ерата на вештачката интелигенција, истражувањето и откривањето на вистинските проблеми во развојот на продукти стануваат сè покомплексни. Од една страна, имаме пристап до огромни количини на податоци и AI алатки што ни овозможуваат брзо и лесно да ги обработиме и анализираме. Но, дали повеќе податоци секогаш значат подобри заклучоци? Дали сме сигурни дека употребата на сè повеќе AI алатки ни носи подобри решенија?

    Технологијата напредува, но едно нешто останува непроменето - за да биде успешен, секој продукт бара длабоко разбирање на корисничките потреби, експериментирање и итеративно тестирање.

    Прашањето е: дали AI навистина ни помага да дојдеме до вистинските одговори или само ја забрзува површинската анализа, оставајќи нè без суштинско разбирање?
    ⚡️ Блиц презентации
    AI
    Истражување
    Процеси

  • Оваа фаза во дизајн процесот е најважна за да се здобиеме со детално разбирање на проблемите кои клиентите и корисниците ги имаат што ќе ни помогне да испорачаме иновативни и креативни решенија со кои ќе ги надминеме очекувањата на клиентите и едноставно, интересно и забавно искуство кај корисниците.

    Вештачката интелигенција (AI) треба, или можеби мора, да се вклучи во овој дел на процесот за да се забрза и подобри истражувањето посебно во делот на дефинирање на проблемите и потешкотиите во проекти од најразличен тип и комплексност, од стартапи на кои им треба помош во изработка на MVP, па се до комплексни бизнис софтвери кои треба да се преработат или редизајнираат за да подобро се позиционираат на пазарот.

    Сакам да го споделам моето искуство од една „discovery“ работилница за стартап и друг проект со комплексна бизнис апликација преку кои ќе можам да покажам како дизајнерите можат да помогнат со иновативни и креативни идеи за успешни резултати.
    ⚡️ Блиц презентации
    AI
    Истражување

  • Иван ќе ни ја раскаже приказната за Paket.mk и нивната продуктна култура, преку сервисен дизајн кој придонесува кон подобро корисничко искуство.
    Инженерство
    Кориснички интерфејси
    Процеси

  • Отклучи го потенцијалот на твоите податоци и научи како да го одбереш вистинскиот графикон за да ја раскажеш својата приказна – без разлика дали споредуваш, следиш трендови или прикажуваш пропорции. Со внимателен дизајн, направи ги визуелизациите разбирливи за сите и создади графикони што се подеднакво убави и корисни.
    ⚡️ Блиц презентации
    Кориснички интерфејси

  • Со Сања ќе го започнеме разговорот за развојот на нејзината кариера, напуштање на размислувањето како фриленсер и дел од агенции и будење интерес за работа во компании кои имаат силна дизајн култура. Ќе опфатиме соработка помеѓу продукт и дизајн како улоги и нивното мешање, како и теми околу брза испорака, разликата помеѓу тестирање прототипи и MVP и различни пазари и како да оцениме успешност на продукт. Ќе зборуваме за интересни примери како може да се спроведе истражување и тестирање со корисници, размислување за проблеми пред решенија, градење на решенија наместо "features" и (не)важноста на разбирањето на техничкиот развој и ограничувања.

  • "Oчекувај го неочекуваното" (defensive UX/UI) во смисол ако ти крешира нешто (3rd party, или као си работел нешто па испадне не си се логирал...)
    Инженерство
    Кориснички интерфејси


Купи early-bird билет (29€)

Локација

Хотел Лимак
Јордан Мијалков 31, Скопје 1000

Мапа до Лимак

Придружи ни се на UX заедницата:

Discord: UX Macedonia
„[Најголем впечаток ми оставија] Темите на презентациите и начинот како беа презентирани. Исто така многу ми се допаднаа разговорите. Супер беше дечки, дефинитивно се гледаме пак на следна конференција или друга прилика како workshop!“
„Само напред, драго ми е што гледам сѐ поразвиена култура на добри настани кај нас :)“
„Благодарност за Вашиот труд и безрезервно вложување да организирате настан кој е од огромно значење за UX заедницата. Не само што научив многу нови работи, туку и го почувствував "пулсот" на заедницата, а тоа е непроценливо. До скоро видување!“
„Рокајте дечки, да го напраиме/те ко Bug Future Show, кој шо почна ко зезанција :)“
„Пред сѐ да пофалам бидејќи настанот беше супер и вакво нешто е потребно кај нас, дефинитивно ако организирате уште настани, ќе присуствувам. Имаше предобри презентации, сите имаат многу материјал за зборување и би било баш интересно да се слушне. Секако, уште еднаш, ова беше супер!“
„Секоја чест! Лично уживав цел ден и времето ми помина за буквално 5 минути! Секој од говорниците носеше своја прекрасна енергија, секоја презентација беше моќна и крајно мотивирачка. Се радувам и со нетрпение го очекувам следниот настан од ваков вид!“
„Предобар настан, фалеше вакво нешто се надевам ќе продолжи секоја година да расте и заедницата заедно со него.“
„Навистина ми се допадна начинот на кој говорниците се претставија – прво како личности, со својата приказна, од каде започнале и каде се денес. Презентациите беа многу инспиративни и полни со практични совети. Ми дадоа голема мотивација – благодарам!“
„Феноменално, може и почесто вакви настани! Толку бев фокусирана што си помислив, заврши?“
партнери
Логистичка поддршка
Logo Maru illustrations
Организациски тим
Викторија Бачварова
Александра Христов
Михаела Водеб
Елена Апостолоска
Емилија Стојменовска
Кристина Ивановска
Кристина Ивановска
Милка Јанакиевска
Милка Јанакиевска
Мартина Панчовска
Андреј Дојчиновски
Павлина Бучевска
Данило Секуловиќ

UXplore е конференција за дизајнери, истражувачи и инженери во областа на корисничкото искуство.

Сакаш да презентираш следниот пат или  да помогнеш со организација?

Кажи ни „здраво“ на hello[мајмунче]uxplore.mk или во приватна порака на:

Discord Youtube Linkedin Facebook Instagram Twitter
2023-2026 © UXplore.mk