Марјан е софтверски инженер, татко на две деца, секогаш љубопитен да учи и да решава проблеми. Низ годините, сфатил дека она што најмногу го исполнува е споделувањето на знаење, градењето на продукти кои носат вредност и создавањето на заедници околу нив.
Како СЕО на Emit Knowledge, вниманието му е насочено кон градење софтвер во областа на здравстовото, каде навистина се обидува да ги разбере секојдневните проблеми на пациентите, лекарскиот персонал и администрација.
Во Emit Knowledge, води одличен тим кој работи на продукти кои го реосмислуваат начинот на функционирање на болниците и клиниките. Им помагаат на приватните болници и клиниките да го решат проблемот кон континуирана нега на пациентите, при што го зголемуваат и нивниот приход преку придобивање на пациенти и нивно задржување.
Марјан е редовен говорник на локалната технолошка сцена и на настаните организирани од различни заедници бидејќи смета дека идеите заслужуваат споделување.