AI – UXplore

„До кај се прототипите?“

January 28, 2026 • 0 Comment

Оваа презентација ќе анализира каков е процесот на прототипирање, вклучувајќи користење на новите AI алатки за брзо и ефективно презентирање на дизајни. Ќе ја разгледаме критичната улога на прототипите во спроведување на usability testing студии за валидирање на дизајн решенија. Дополнително, презентацијата ќе ги покрие предизвиците со кои се соочуваме при градењето на прототипи со висок квалитет.

Од хаос до јасност: собирање комплексни барања пред и по AI

January 28, 2026 • 0 Comment

Начинот на кој ги разбираме корисниците, клиентите и бизнис потребите постојано се менува. Денес, кога AI алатките стануваат дел од секојдневната работа, дали тие навистина ни го олеснуваат процесот или само го забрзуваат?
Оваа сесија нуди практичен поглед/пример на патот од комплексни технички клиентски барања до јасна продукт насока и промените во секојдневната работа по воведување на AI алатките.

⚡️Дилемата во истражувањето со AI: Точни одговори или само гребнување на површината?

March 1, 2025 • 0 Comment

Во ерата на вештачката интелигенција, истражувањето и откривањето на вистинските проблеми во развојот на продукти стануваат сè покомплексни. Од една страна, имаме пристап до огромни количини на податоци и AI алатки што ни овозможуваат брзо и лесно да ги обработиме и анализираме. Но, дали повеќе податоци секогаш значат подобри заклучоци? Дали сме сигурни дека употребата на сè повеќе AI алатки ни носи подобри решенија?

Технологијата напредува, но едно нешто останува непроменето – за да биде успешен, секој продукт бара длабоко разбирање на корисничките потреби, експериментирање и итеративно тестирање.

Прашањето е: дали AI навистина ни помага да дојдеме до вистинските одговори или само ја забрзува површинската анализа, оставајќи нè без суштинско разбирање?

⚡️ Фазата „discovery“ и улогата на вештачката интелигенција во процесот на разбирање на проблемите

February 26, 2025 • 0 Comment

Оваа фаза во дизајн процесот е најважна за да се здобиеме со детално разбирање на проблемите кои клиентите и корисниците ги имаат што ќе ни помогне да испорачаме иновативни и креативни решенија со кои ќе ги надминеме очекувањата на клиентите и едноставно, интересно и забавно искуство кај корисниците.

Вештачката интелигенција (AI) треба, или можеби мора, да се вклучи во овој дел на процесот за да се забрза и подобри истражувањето посебно во делот на дефинирање на проблемите и потешкотиите во проекти од најразличен тип и комплексност, од стартапи на кои им треба помош во изработка на MVP, па се до комплексни бизнис софтвери кои треба да се преработат или редизајнираат за да подобро се позиционираат на пазарот.

Сакам да го споделам моето искуство од една „discovery“ работилница за стартап и друг проект со комплексна бизнис апликација преку кои ќе можам да покажам како дизајнерите можат да помогнат со иновативни и креативни идеи за успешни резултати.