Александра ја започнува својата кариера како веб дизајнер во мала динамична агенција веднаш по завршувањето на студиите по компјутерски науки на ФЕИТ. Потоа се вработува во Нетцетера како веб дизајнер и front-end инженер, каде набргу заедно со уште еден колега го основаат User Experience Office (UXO) и станува „тим лидер“ на македонскиот тим. Продолжува да работи на повеќе комплексни административни системи од областите на транспорт, здравство и банкарство и да ги проширува знаењата околу дизајн на корисничко искуство, дизајн системи, да ја продлабочува врската помеѓу дизајнот, бизнис потребите и инженерството, како и да го зголемува и менторира UX тимот кој за една декада достигнува преку 20 вработени, од кои повеќе од половина во Македонија.
Во 2022 година започнува со работа на продукт за монетизација на видео содржина во InPlayer, сега JWP Connatix, каде води меѓународен тим од 9 продукт дизајнери како Директор на дизајн, а од 2024 година е и продукт менаџер на Core XP тимот задолжен за frontend архитектурата на продуктите и дизајн системот. Притоа помага и воспоставува комуникациски мост преку дизајн методологии помеѓу повеќе групи на тимови, како обучувач и водач на интерни работилници.
За време на студиите на ФЕИТ е активна како демонстратор по веб дизајн, а има говорено и на повеќе јавни настани во минатото како Front-end Мeetup, MobileFirstMK, Mobile Monday Macedonia, Digit, EESTEC Academy и како гостин предавач по веб дизајн на ФИНКИ.