Отворен повик за презентации на конференцијата UXplore
Отворен повик за презентации на конференцијата UXplore 2025
Твоето искуство во истражување, најдобри практики или едноставно секојдневната работа во полето на корисничкото искуство и корисничките интерфејси, претвори го во презентација и пријави се на следната конференција UXplore која ќе се одржи на 12 април 2025г!
Очекуваме презентации кои ќе ја поттикнат иновативноста, ќе охрабрат дискусија и ќе помогнат со нови решенија за нашите секојдневни предизвици во работата.
Темите може да опфатат од „што научив кога прв пат работев тестирање на корисници“ до панел дискусии на жешки теми како „дали AI ќе ни ја земе работата и еве зошто не“ 🙂
Секогаш се добредојдени лични искуства на следните теми:
UX процеси – најдобри практики за соработка и ефикасност
Истражување со корисници – што е важно, што сме научиле за методите
Информациски архитектури
Дизајн системи – од поставување на основи до извлекување на мерливи податоци
Дизајн за мобилни уреди наспроти веб
Иднината на UX и трендови – предвидувања како ќе се менува работата, технологијата, алатките
Accessibility – пред нас е усвојувањето на Европскиот акт за пристапност (The European Accessibility Act – EAA, јуни 2025)
UX writing – како да напишеме најразбирлива содржина
Туторијали и совети како да се направи нешто практично во некоја алатка
Комуникација и соработка помеѓу различни улоги во тим и помеѓу различни тимови
Поврзаност со инженерство и со продукт/проект менаџмент
Работилници – примери и искуства
Што учиме преку податоци (метрики) и како да ги поставиме правилните
Отворени сме за кои било други теми или студија на случај (case study) кои мислите дека би биле интересни за пошироката заедница на UX истражувачи, дизајнери и инженери.
Отворениот повик ќе трае до 23.02.2025г. (недела) на полноќ.
Доколку темата е избрана, изборната комисија ќе ве контактира најдоцна до 01.03.2025г за да ги дефинираме деталите.
Финалните презентации ќе треба да се доставени најдоцна до 01.04.2025г.
Доколку дополнително сакате да ни испратите CV или портфолио во PDF формат, слободно може да ни испратите порака на conference[мајмунче]uxplore.mk
