Конференција

за UX дизајн

UXplore е полудневна конференција за дизајнери, истражувачи и инженери во областа на корисничкото искуство.

Се одржа на 16 Декември 2023г, 10ч @ Netaville & Online

Настан организиран од искусни ентузијасти

за заедницата

Присутни

Говорници

Презентации

Содржина

0 h

Netaville e простор за ИТ настани, простор за заедничко работење и кафетерија. Благодарност до Netaville и Netcetera за поддршката на првиот настан!

📍Мапа до Netaville

Говорници

Поканивме говорници кои работеле во меѓународни ИТ компании, во агенции и како фриленсери, во големи и мали тимови, да ги споделат нивните практични совети кои ги научиле низ сопственото искуство.

10ч, 16 декември 2023г.

Netaville & Online

Запознај се и дружи се со луѓе кои работат на дигитални производи и услуги, слушај презентации, приклучи се на панел дискусиите и споделувај знаење со македонската UX заедница.

Распоред

*Некои од презентациите ќе подразбираат дека публиката е со претходни предзнаења или искуство во областа на дизајн на корисничко искуство и методологии.

Детали +

Aгенда

10:00 - 10:30
Пристигнување
10:30 - 10:45
Отворање на настанот
Презентира
10:45 - 11:15
Практични совети за водење дизајн тимови
Презентира Александра Христов Design Director, JW Player

Многу од нас биле „фрлени“ во менаџерска улога и не сме знаеле од каде да почнеме. Спакувано во новата кованица „Design Ops“, ќе зборуваме за тоа што значи да се организира и води еден тим од дизајнери. Како да ги придобиете останатите учесници во процесите, кои се најчестите пречки и како да (се обидете да) ги надминете при секојдневната работа.
Дизајн Опс
Каде
Амфитеатар
11:15 - 11:30
⚡️ Ментор, не само Сениор
Презентира Мартина Вељановска Product Designer, JW Player

Практични совети како да помогнете на дизајнери со помало искуство од вас во нивното надградување и брзо усовршување во областа во која сте експерт.
⚡️ Блиц презентации
Дизајн Опс
11:30 - 11:45
⚡️ Системска архитектура водена од корисничко искуство
Презентира Гоце Митевски Chief Design Officer, Keitaro

Замислете си дека работите на голем проект со дисперзиран тим. Дали корисничкото искуство мора да биде последица на однапред донесени инженерски одлуки? Што ако системите ги дизајнираме според корисничкото искуство што сакаме да го пренесат?
⚡️ Блиц презентации
Инженерство
Истражување
11:45 - 12:15
Q&A (10') и Пауза (20')
12:15 - 12:45
Соло UX: Кога еден дизајнира за многумина
Презентира Јане Димески Design Lead, HASELT

Да се работи како соло UX дизајнер во рамки на организација е предизвик и триумф само по себе. Во оваа сесија ќе разговараме за дел од стратегиите за справување/преживување на дневниот workload, како и, како да го зголемите вашето влијание во организацијата и да иницирате значајни промени во организациската структура. Како градењето врски, ефикасна комуникација и примена на докажани UX методи водат кон подобра cross-functional колаборација.
Истражување
Процеси
12:45 - 13:00
⚡️ Очите како медиум за интеракција при дизајн на апликации
Презентира Катерина Димитриоска Станковска Senior UX Designer AR, Augment IT

Оваа презентација има за цел да го открие потенцијалот во користењето на погледот на очите како примарен начин на интеракција со дигитални производи. Фокусирајќи се на можноста за зголемување на пристапноста за лицата со парализа и оние кои не можат да ги користат традиционалните методи на интеракција. Ќе дискутираме за предизвиците и можностите поврзани со користењето на оваа технологија и како прифаќањето на овој начин на интеракција може да го отвори патот за поинклузивен дигитален пејзаж, осигурувајќи дека секој, без оглед на физичките способности, може да се вклучи и да има корист од технологијата.
⚡️ Блиц презентации
A11y
Истражување
Кориснички интерфејси
13:00 - 13:15
⚡️ User interviews are the SH*T
Презентира Јане Наумоски UX Lead, Endava

Ќе зборуваме сѐ околу кориснички интервјуа (user Interviews): што се, кога и како се спроведуваат и на крај ќе видиме зошто, според Јане, се најдобрата алатка во нашиот истражувачки арсенал.
⚡️ Блиц презентации
Истражување
13:15 - 13:45
Q&A (10′) и Пауза (20′)
13:45 - 14:15
Пристапност и конзистентност на продукти преку внимателно изградени дизајн системи
Презентира Михаела Водеб Staff Product Designer, JW Player

Реален пример за целосниот процес на преработка на постоечки дизајн систем на обемен продукт, со цел стандардизирање и подобрување на пристапноста на корисничкото искуство, притоа воведувајќи што е можно помалку визуелни промени за корисникот. Во оваа презентација ќе ги погледнеме сите етапи на креирање или подобрување на еден дизајн систем, најважни WCAG упатства, корисни совети околу градење на компоненти, како и користење на Figma варијабли како “single source of truth” на дизајн одлуки преведени во код и нивна целосна контрола преку Figma.
A11y
Дизајн системи
Инженерство
Кориснички интерфејси
14:15 - 14:30
⚡️ Веб пристапност: неопходно за некои, корисно за сите
Презентира Катерина Шалевска Senior UX Engineer, Netcetera

Автоматизираните алатки за пристапност ни помагаат, но не ги откриваат сите детали од различни аспекти. Во оваа презентација ќе разгледаме некои од алатките за автоматско тестирање и како можеме да тестираме со програма за гласовно читање на екран. Ќе разгледаме кои препораки се битни да се вклучат уште во најраната фаза при имплементација, за да добиеме продукт кој достигнува најмалку АА стандард.
A11y
Инженерство
Кориснички интерфејси
14:30 - 15:00
Oд реактивен до проактивен дизајн
Презентира Нина Геометриева Product Designer, Generative AI @ Meta

Наместо само да следиш упатства, почни да водиш преку моќта на прототипирање и структурирани презентации. Практични совети за стекнување почит и влијание со цел да станеш водечкиот глас во твојата организација.
Кориснички интерфејси
Процеси
15:00 - 15:15
⚡️ (online) Cross-border UX – Многу повеќе од „обичен“ UX дизајн
Презентира Александра Јакшовска UI/UX Designer, Deloitte

Во ерата на глобалниот пазар, "Cross-border UX" често се користи како термин, што го става предизвикот како да дизајнираме за интернационални корисници и како да ја освоиме меѓународната публика. "Cross-border UX" е многу повеќе од просто преведување на друг јазик или ажурирање на UI компоненти. "Cross-border UX", или локализација на UX дизајнот, вклучува прилагодување на интернационални продукти за специфичен регион со цел да се креира релевантно и соодветно корисничко искуство. Станува збор за дизајнирање на мултикултурни продукти, притоа земајќи го во предвид меѓународниот аспект на UX од самото почеток на процесот на развој на продуктот. Она што им помага на најпопуларните апликации во светот како Facebook или Airbnb да останат популарни и профитабилни е што им обезбедуваат на корисниците чувство на удобност, познатост и лесно користење од било кој агол на светот. За тоа како да го постигнеме ова при изработка на слични апликации и веб страни, Александра ќе го сподели своето повеќегодишно искуство со cross-border UX design и ќе не запознае со најдобрите практики за локализација на UX дизајнот.
⚡️ Блиц презентации
Истражување
Процеси
15:15 - 15:30
Q&A (10′) и затворање

Место за дружење и споделување знаење:

Discord: UX Macedonia

Пријави се за учење напредни техники, подобрување на сопствените UX процеси и за истражување нови хоризонти при дизајнот на корисничкото искуство.

Дојди на настанот во живо

Полудневната конференција ќе се одржи во периодот од 10 до 15 часот, на 16 декември 2023г. во Netaville.

Местата беа резервирани во рекордно време, ви благодариме!

Следи ги презентациите online

За сите кои не можат да присуствуваат, ќе биде испратен линк за следење на настанот online со можност за вклучување во дискусиите. Бројот не е ограничен.